Rajah Tata, titi, duduga, peryoga.

SAMPURASUN..... 

Tata, titi, duduga, peryoga. 

Amit ampun nya paralun, agungna ka wujud gusti 

nu maha suci, jembarna ka para luluhur 

sabudeur awun, ka ibu agung ka rama agung, 

deuheusna ka ibu sinareng ka rama nu jadi 

cukang kuring gumelar di pawenangan, seuja 

nyanggakeun sari pangabakti dina tuangeun 

sareng leu leuteun pangasih ti ibu pertiwi, mugi

katampi sarina di dongkapkeun aci rasana, kami,

kama, nusa, sari nusa, nu jadi sari titis waris

nusa jati, geus jadi uga nu natrat dina waruga,

gumulung ngajadi sumsum ngajadi balung, jadi

bagal pikeun pangawasa, 

Seuweu siwi neuda ampun nya paralun, neuda

jembar nya pangampura, bilih seuweu siwi

kurang nastiti, tambelar ireg talingeuh, kurang

tata kurang basa, bisi salah ngentep seureuhna,

pahuat pahuit, pakutrak paketrok, bisi congo

kajieun puhu, bisi puhu di jieun congo, seuweu

siwi nyungkeun di aping di jaring, di raksa, di

jaga, nitip diri keur ngampihna, ngawiyat waruga

keur ngencarna, mugi di lingling ti peutingna,

muga di langlang ti beurangna, jadian kuras,

jadian taun, waluya somah di rahayuna, bagja

raja, raharja nagarana,. Yu rahayu, yu rahayu,

rahayu satungtung umur, raharja sapanjang

yuswa, singa jadi nu di sungsi, singa wujud nu di

tuju, laksana sapaneuja...

Adab kawula kanu maha kawasa,

Adab kawula ka sasama,

Adab kawula pikeun ka kawula.

Nyanggakeun ya alloh tuangeun sareng leu

leuteun mugi jadi ciri mung salira nu gaduh

kahoyong, sanes kanggo syetan atanapi iblis,

susuguh abdi sanes kangge siluman, ci kopina

sanes kangge jin, sadaya nu aya kanggo alloh

subhanahu wata'ala.. da abdi mah hanteu aya,

aya soteh pedah di ayakeun, nu hoyong salira, nu

lapar salira, nu usik salira, nu murba ngawisesa

di sagala nu araya,

Allohuma sri tumurung saking berkatulloh,

Allohuma sri tumurung saking rohmatulloh,

Allohuma sri tumurung saking safa'atulloh, 

mi akar kawat, mi jangkar sahadat,

nun sumuhun gusti, wuwuruk benerna kita

nyebat kitu, islam lawas islam anyar,

nu teu lawas, nu teu anyar islam pangandika Alloh....

Laillahaillallah,..

ALLOHU AKBAR... 

http://padepokannurmala.blogspot.co.id/2015/04/rajah-tata-titi-duduga-peryoga.html