KIDUNG

Kidung Nagara

sampurasun,

Awitan kidung pamulang kidung Nagara
Amit amit panguasa amit
Bukti katampi asal hurip mahluk kabeh kudu hurip
Asal mahluk kabeh kudu babarisan
Tanpa bukti pangiring kidung Nagara
Selenting bawaning angin, seredet bawaning rasa
Bukti asal alam sipat Nagara
Sipat asal bumi alam sakti
Bumi suci meleg badan sampurna
Kidung bumi bapa langit nampa tetes kirim nyawa
Tanda sipat bakal ciri
Pangiring kidung nagara
Kidung sakti titipan asal
Asal cai mahluk kabeh kudu balik deui ka asal cai
Asal cai, asal seuneu, asal bumi, asal angin
Pangiring kidung Nagara
Awitan kidung pamapang – mapag nyawa
Papag sakti kidung nagara
awitan kidung asal lemes kabeh kudu lemes
asal takluk – kabeh mahluk kudu takluk
asal lemah – kabeh mahluk kudu lemah
asal gagah – anu salah kudu rebah
asal bener – kabeh mahluk kudu bener
asal sakti – kabeh mahluk kudu sakti
lamun hirupna teu taliti
kabeh mahluk kudu mati
pangiring kidung nagara
lemah punjeng sakti alam pangbinasakeun
kidung pangiring giring
sukma mulia digarba ingsun, ingsun lemah,
ingsun kirim sukma panguwasa garba
garba sujud mulih ka asal, asal rupa sipat jeneng
jeneng manungsa asal monyet kudu pulang ka monyet
jeneng manungsa asal sipat macan kudu pulang ka macan
jeneng manungsa asal sipat kucing kudu pulang ka kucing
jeneng manungsa asal sipat kambing kudu pulang ka kambing
jeneng manungsa asal sipat buaya kudu pulang ka buaya
jeneng manungsa asal sipat kebo kudu pulang ka kebo
jeneng sipat manungsa rupa asal binatang, sato hewan, ti cai,
ti jalan, ti tegalan kudu balik deui ka binatang, ka sato, ka hewan,
ka gunung, kacai, ka jalan, ka tegalan.
pamulang panggetar bumi
pamulang keun sipat kidung nagara
asal binatang kudu jadi binatang
satetes cai asal, cai herang, sampurna asal binatang

hung, ahung !!

KIDUNG CUKCRUKAN

Nyukruk galur ti karuhun

Mapay lacak anu baheula

Nyambung kabalarea

Titinggal nini aki

Urang islam kudu asli

Gambaran siloka diri

Hirup ulah kajongjonan

Mawa diri sing taliti

Satincak make pikiran

Pikiran jalan dituduh

Nuduhkeun diri sing lilir

Hahalang lugay disinglar

Lamun haying salamet diri

Didunya ukur ngumbara

Peupeujeuh sing repeh rapih

Repeh rapih jeung sadapur, sakasur, sadulur

Ancur rubang ngajadi hiji

Ngahiji ngajadi dulur

Sadayana mahluk gusti

Kedalkeun katineng urang

Ka ibu sareng ka rama neda ka maha kawasa

Neda agung cukup lumur neda jembar pangaksami

Wireh ayeuna sim kuring ngidung nu panganggeusan

Amin ya robbal alamin

Mugi gusti nangtayungan ka gusti nu maha suci

(ka makhluk nu di alam rame)

KIDUNG PADARINGAN NYAI CINGKRIK

Bismillah ngawitan ngidung

Muji syukur ka Hyang Agung

Ka ibu Sri putri anu luhung

Putra putu nyuhunkeun pitulung

Cukup sandang pangan ti indung

Ibu sri ratu pohaci anu agung

Pamupuk ratu anu geulis

Incu putu ulah pais

Cinta abdi jeung anu geulis

Nu geulis sumangga niis

Kandang rasa raga kaula

Kandang sari budi kaula

Budi manis jeung nugeulis

Sasarengan sami niis

Nitis suci jeung nyai sri

Nitis raga pangawasa

Nitis jiwa sareng raga

Nitis rupa sareng nyawa

Jaya anjeun jaya kaula

Rasa jaya pangawasa

Nyata gusti anu kawasa

Nyata wujud raga salira

Patuh rawuh moal jauh

Betah kami dinu sepi

Sepi suci diasuh ku kami

Moal kurang sandang pangan

Aing nyaho kanu nyaho

Ulah sieun teu mikapoho

Ulah sieun hanteu ngejo

Da kami teu mikapoho

Maneh pastina dipuuk

Kami pasti dipupuk

Naga sari pasti numpuk

Kadaharan pasti numpuk

Ngalumbuk tinu geulis

Welas asih, welas asihna tinu geulis

Jalmi anu sadar narima

Daek cicing ditempat maneh

Kami sudi rek ingkah

Nyata anjeun the rendah

Atuh kami moal nilar

Nya maneh moal kena ku lapar

Langgeng maneh the ginanjar

Amanat ka sadayana nu ngarti

Incu putu anu narima bodona

Amanat ti ibu ti kanjeng rama

Ulah kabawa ku sakama-kama

Ibu nu geus diciptana

Narima tanaga sareng rasana

Rasa kabeh manusa angu ngarti

Ka ibu anu teu ngandung

Ka rama anu teu ngayuga

Ka rama ratu safaat

Ka ibu sanghyang Sri

Ya Alloh Ya Rosululloh

Alhamdulillah sami Allohu

Tutup bayu sampurnaing nafsu

Tetep iman ing syahadat

amin

KIDUNG PANEDA

Sampurasun ,,,

run turun ingsun gumulung
sumilir gilirna wanci
ngalanglang ngacacang mangsa
ngalingling alam kiwari
ngalanglang alam ayeuna
rep sirep neda ti gusti

nya ingsun bayu rahayu
bayu mulus bayu asih
bayu pangauban jaman
bayu sajatining manik
nya ingsun langlang buana
pangauban seuweu … siwi

pangeran galur galunggung
anaking mangka caringcing
ngambah jagadna manusa
didinya ayana harti
didinya ayana ucap
pibeukeuleun hirup hurip

sasaka pusaka karuhun
dangiang putra kawali
pangauban pajajaran
panceg pangara dina adil
teuas jeujeur leuleus useup
padika ngaheuyeuk nagri

dina langkah aya tangtung
tangtungan diri pribadi
ulah gedag kupanggoda
tengetkeun gilirna wanci
lalakon pangreka jaman
sembaheun alam kiwari

ulah ngukur kuwung-kuwung
endah rupa-rupa jirim
adegan manawi purba
bibit pamelar sakti
wibawa ucap parentah
sakti dina darma bakti

~ r a h a y u ~

Kidung Banyu Suara

Banyu suci anu gumelar
banyu suci tungtung hiji
banyu ratu cahya suci
nu ngawujud di bumi alam
nyata manusa katembongna

metu banyu ti talaga
metu banyu ti dada
rawuh banyu ti kanikmatan
rawuh suci nyai sri tambah lapar

sumur tilu anu nungku
sumur dua anu nyata
sumur hiji anu nyata
sumur bukti raga suci
anu wahwuh ka gusti
nu kasebutna diri

nyata banyu teh ngabayu
nyata hirup raga aya
nyata rasa ku pangawasa
nyata banyu aya di raga
banyu latif anu sumerep
banyu kasar anu katinggal

anu tiasa manjing suara
anu ngancik dina rupa
rupa banyu adegan salira
jaya banyu adegan salira
kuat banyu adegan salira
awas banyu paninggal sarira

pangrungu banyu ceuli sarira
kahayang banyu sir sarira
aya banyu diraga sarira
pangeusi banyu aya diraga sarira
wujud banyu wujud sarira

subur nagasari bukti
subur raga pangawasa nyesa
subur raga jaya jadi mustika
subur raga manusa suci
subur mustika mangsa
subur raga pasti suci

anu aya dina raga pasti
banyu suara anu pasti
henteu kurang sandang pangan
tetep langgeng aya nganteng
cahaya utusan anu manteng

manteng langgeng sakabehna
ngawujudkeun di bumi langitna
nu nyumponan raga wujudna
diri jadi ratuna
sakumna hayang miluna
jadi ngawujudkeun bengharna

kuayana banyu suara
ciri timbul ratu sunda
nu kasebut tibaheula
rek timbul ratu sundana
banyu suara anu bebeja

timbul ratu sunda asalna
anu aya titadina
ieu nyaho rek kaluarna
suara ratu rek nakon
ka sakabeh jalmana
nya nanya usul asalna

mun maneh asal timana
naon anu dibawa kumaneh
naon papakeeun maneh
naon rek dipake kumaneh
jeung saha ari maneh
mana sajatina maneh

anjeun agama naon
naon anu dijenengkeun agama
timana asalna agama
saha nu mawa agama
ayeuna agama aya dimana
kumaha ari rupana agama

sabalikna ari agama
mana dirina agama
iraha maneh beragama
mana tangkalna agama
mana dahanna agama
mana akarna agama

naon anu disebut agama
sabaraha dahanna agama
jeung naon ari rantingna agama
mana daunna agama
jeung mana kembangna agama
mana buahna agama

kumaha rasana agama
jeung kumaha wujudna agama
aya anak anakna agama
jeung aya incuna agama
mana anakna agama
jeung mana wujudna agama

jeung wawuh maneh ka agama
jelas pasti jadi ratu sunda
nu rek nakonan ka jalma
cirina ieu banyu suara
suara ratu sunda arek nakon
rek nakonan rek nakonan

nujadi bukti pertakonan
suara ratu sunda geura takon
sakabeh umat ditakon
salah ngajawab pertakonan
pasti diancurkeun kapertakonan
moal bisa kan ngabohongna

jawab salah pasti teu genah
ditempatkeun dinu tengeunah
sabab perjawaban teu meureunah
ratu sunda lain teu nyaah
maneh ngarasa jauh jeung maneh
perjawaban maneh salah

lamun maneh jeung maneh
atuh ngajawab atuh ngajawab
moal salah maneh kitu
teu wawuh kana adegan maneh
anu dibawa kumaneh
pasti maneh moal genah

mun maneh wawuh kamaneh
pasti maneh menang genah
da nyaho maneh ka maneh
pertanyaan moal salah
da nyaho wujud maneh
ngan maneh ka maneh

tah ieu anu disebut banyu suara
raga suci mawa kamana
ratu sunda nu rek nyuara
kasakabeh anu didamelna
aya wujud pertakonan
masing caringcing ti ayeuna
keudah ati-ati jeung eling ti ayeuna

pasti jumenengna suara
raga suci mawa kamana
nuhun suci pasti adilna
kumaha bae kahayangna
pasti dilaksanakeunana
suara jawabanana

da wujud adil suci suara
raga suci mawa hukumanana
wujud rupa pasti nakon
wujud kum suci anu bakti
anu bisa anu apal kudrat pasti

Sewakadarma

Ini kawih panyaraman

Pikawiheun ubar keueung

Ngarana pangwereg darma

Hawakaneun sang sisya

Nu huning sewakadarma

Anaking mulah mo yat-yatna

Reungeu sabda sang pandita

Ingetkeun hayuwa lali

Teher nging ngenak-ngenak rasa

Ngarana ngapakeun tali

Ingetkeun na dasa sila

Iseueuskeun na panca sakit

Iyan ta ningkahkeun raga

Mayahkeun sarira

Ngalekaskeun suku tangan

Suku milang awak urang

Lamun salah lengkah

Eta matak urang papa

Leungeun lamun salah cokot

Eta matak urang papa

Ceuli lamu salah denge

Eta matak urang papa

Panon lamun salah jeueung

Eta matak urang papa

Irung lamun salah ambeu

Eta matak urang papa

Sungut lamun salah hakan salah inum

Manguni salah nu sabda

Lamun sabda teutuhu

Lamun lain sabda jati

Lamuna hamo rahayu

Lamun tiis bawana

Eta nu disalahkeun

Nu maka papa kalesa

Sanyarah na angen-angen

Sapamilang pengeusi raga

Nu dipiawak sarira

Eta nu matakak malalat

Eta nu ngindit ngarampid

Nu maanan kana kawah

Lamun salah di kreti

Hala hedap hala tineung

Hiri dengki kasakalih

Makeya neluh ngaracun

Ngagunaan mijaheutan

Sakara ning hedap dusta

Mati-mating na wong sadu

Ja barya hanteu dosa

Sinengguh inyana dusta

……..

Utun anaking sumangir

Mulah mo yatna-yatna

Anaking sewa sogata

Ayeuna datang ka mangsa

Ketepi ma sandi pati

Datang ka salaka hurip

Kajeueung kingkila

Anggeus awas na kapramanaan

Kadenge antag-antagan

Kingkila buyut dek mangkat

Nu dek ninggalkeun kahanan.

Dora sanggeus dibukakeun

Jalan anggeus dicaangan

Mulah sawah geuning bijil

Sora dora larangan

Samecat sanghyang atma

Sadeuri sanghyang hurip

Lungga sanghyang premana

Moksah aci wisesa

Maka ti sarira

Anggeus di ranti kurungan

Lunyay betan demas pindah

Betan kunang-kunang leumpang

Kadi kuwung-kuwung metu

Betan panah ka luhur

Betan sekar pamujaan

Betan katumbiri jadi

Kadi bulan ngagantaran

Betan panonpoe sabijilna

Hanteu nu diheureuyanan

Na msuh anggeus kalalar

Kaliwat reya nu kawah

Anggeus kaleumpangan

Kapungkur batu kacakup

Sang Yama tesa sumembah

Nyeueung atma ngalalar

Katon sakti di nyimbah wasa dora

Kala magahan jalan kana kasorgaan

Tuluy nyorang beunang nyayu

Tajur pinang

Kumara sinar hanjuang

Sasipat mata handeuleum

Salaput beuheung tatali kayu widuri

Manyara deung kembang bulan

Wera tumpang wera lancer

Kembang soka kapuracata

Kembang tere rane

Jahe singungu hanoja

Dilem padma putih

Mendadaki kembang susun

Kembang menur kembang bunga pala

Dara puspa kembang puspa gading

Malati kembang huru kajut

Kembang dongdoman

Kembang teleng bunga hireng

Kasumba deung kapuracata

Deung kembang jaman katilu

Ki saruni keling kembang cina janaraya

Geura salin papakeyan

Panganggo yeuh boeh rampes

Ragala boeh larang

Disasarah pipinggir taluki renggi

Rawito waya sinbur sinyaja

Disebutkan jamar tali katela

Dikeris rusa malela

Beuteung reueus ku sakitu

Bogoh ku nyeuseupan inya

Nyeuseup sarining kembang

Udana bangbara tunggul

Seyahna bangbara kumbang

Paktisori jaga ma di dewa

Engang deung tiwwan

Sireupeun deung teuweul kaak

Seyahna ku sorana

Sada haja-haja nu becet

Kapisarengseng kapicengceng

Kapiroel kapigimba

Kapicengcang kapibarung indung singgul

Larina karasana

Kasidi sabwana magawa hayu

Sedahan marepehan ti kayanangan

Lamun barta di tihang beusi

Ditelar ku purasani

Dipamikulan ku malela

Dilayeusan teja putih

Diwilahan tambaha sukla

Dihateupan ku salaka

Dituruban ku pirak kapas

Dililinggaan ku manik

Diukir ditiru kembang

Mitumpang meru kacana

Diukir dinanangankeun

Kaluhur naga palayu

Kateyoh naga puranteng

Ditengah naga patengteng

Merak ngigel dipuncakna

Eunteup gawa until saka

Dipiwastan demas kolot

Disareyan ku panamar

Dijeujeutan demas ngora

Ditatapkan cundiga

Dibalay kadi kapintas

Dipipinggir rustalisan

Anggeus uga kalambar

Diuk dipalangka demas

Saraga beunang ngalukis

Dikasuran kamogiti

Dikasangan boeh larang

Kulambuna lungsir keling

Nanggapan sada canang

Sada gangsa tumpang kembang

Sada kumbang tarawangsa ngeuik

Sada titilaring bumi

Sada tatabeuhan jawa

Sada gobeng direksa calintuh di anjung

Sada handaru kacapi langa

Sada keruk sagung

Beuteung bogoh ku sakitu

Tapak sapu beres keneh

Barentik marat nimurkeun

Manah pupus ku tikukur

Manah saar ku titiran

Maryagat ku tapak jalak

Dyawuran kembang ungra

Misanak jati rupa

Kalumbi lungsi dewangga

Beunang nyulam ku haremas

Anggeus salin papakeyan

Rampes beunang babasahan

Titip linyih huis damis

Dadar lesang

Haji pantes listuhayu

Mahardika ngalagena

Durgahena maragancayan

Anggeus mulih jati rupa

Muliya teja madilah

Kaminyar teu kapademan

Sakitu eta byaktana

Nu tuhu mangun hayu

Laksana miguna tapa

Nuturkeun saur nu tuhu

Mapay sabda nu bisa

Kena tutur kawastwanana

Tembey datangna prabeda

Nu ngagogoda bancana

Datang pwah wedadara

Deungeun pwah widadari

…

Anaking sanghyang atma

Ulah tadi teuing eureun

Sugan aya kamalinaan

Sugan kabawa jeueung

Sugan kabawa ku denge

Tutur tutur aja lali

Inget-inget haywa lupa

Kena ku panyasarkeun

Sanembal sanghyang atma

Samapun teuteuleu amat

Da ing can lamuning daek

Ja nyaho inya naraka

Ja ngagawa tresna keneh

Nu nyarek henteu didenge

Nu migi teu dipitineung

Tonggoy kana pilaloan

Mo lipi dina husireun

Mawa na tineung sorangan

Malikan katumbiri

Malikan katumbiri

Tuluy kana kuwung-kuwung

Nyaleket di panonpoe

Naglalar ka teja mentrang

Nojerkeun batu pratiwi

Ngarapet taraje demas

Datang ka wekasina sabda kasuniya

Lawan taya heuleut

Beurang lawan wengi

Datang ka bwah tingkah

Eta kasorgaan

Jawawuwa tingkah papa sangsaraan

Liwat sadu undak ti inya

Datang kana manarawang

Katenjo para dewata

Gunung Kendan Medang Menir

Palungguhan para batara.

Di timur Batara Isora

Kahyangan pirak putih

Tihangna perak di ukir

Bahana pirak sagala

Dihateupan pirak cina

Dituruban ku pirak

Dililinggaan ku manik

Disareyan pirak malaka

Didingding ku pirak keling.

Imah manik dikarancang

Warnanan ukir-ukiran

Direka ditiru kembang

Kahanan Hyang Isora

Husireun nu ngawerati

Dinya kasorgaanana

Ti kaler Batara Wisnu

Kahyangan miru hireng

Tihangna beusi diukir

Bahana beusi sagala

Dihateupan beusi cina

Disarean ku malela

Didingdingan ku beusi kuning

Lilinggana beusi panamar

Diukir bahana manik dikaranycang

Warnana ukir-ukiran

Diukir ditiru kembang

Kahanan Batara Wisnu

Husireun nu rampes twah

Dinya kasorgaanana

….

Anaking sanghyang atma

Manah cunduk mo dyajak

Manah mo di undang

Nu tuhur teher laksana

Teher herang tineung

Manah cunduk kana panuhun

Manah datang kana tangkal

Manah nepi kana jati

Manah deukeut kana anggeus

Datang ka ambu ka ayah

Suka tanpa balik duka

Wareg tanpa balik lapar

Hurup tanpa balik pati

Sorga tanpa balik papa

Hayu tanpa balik hala

Nohan tanpa balig wogan

Moksa leupas tanpa balik wulan

Twatwag ka jati niskala

Luput ti para dewata

Leupas ti sanghyang

Tan hana kara

Lenyep anyara cintya

Kena rampes tanpa denge

Kena suwung tanpa wastu

Ka nu lengis tanpa kahanan

Deung alitan

Hanteu pati dipiganal

Hanteu kasampak di luput

Hanteu pabaur

Hanteu dingeunah dicandu teka

Hanteu barayana hanteu deungeun

Sarwa tunggal wisesa

Nu maca inya

Ulah dipipanaswasan

Reungeukeun teher rasakeun

Picarek teher turutan pun

Atma milang sinurat ring merega

Paying beunang numpi

Di Gunung Kumbang pun

Barur Ni Teja Putu Bancana

Tilas sandi ti Jenggi

Pangwedar beunang buyut Ni Darwit pun

Sangakwakwana mahala ka ing

Lempurang dening sasaur

Uraceuk loter

Kadinya lacakeun yuyu cina

Carita bisi kurang wuhana

Leuwih longana

Lamun batri sasanga mancal luhur ma

Ya tanpa milih tan sinungan pun

Sambat aing nama Siwaya

Da ngemis gamut wirahana pati

Pantang panting sarasoti

Nanu hamas haba jaja pun,,,

pun ampun paralun,,,

_/\_

Rahayu

KIDUNG MAPAG PADJADJARAN PAKEUN HEUBEUL JAYA DINA BUANA NANJER NAJURIN

PEPELING

DIRARAMPA DILELEBAH
NYOREANG ALAM KATUKANG
PAINGAN CEUK JURU PANTUN
JAMAN PAJAJARAN MURBA

SOK RAJEUN KAMEMELANGAN MIKIRAN DIRI PRIBADI
TIMANA JEUNG REK KAMANA CENAH HIRUP MUDU MURID

WALUYA LAHIR JEUNG BATIN NYAHO NU BENER NU PALSU
GUSTI …..

NGAN HESE NEANGANANA
SOK INGGIS SALAH PANGGIH
PALANGSIANG-PALANGSIANG
BENER TEH NGAN CEUK SORANGAN

*****

PAPATET

NU JAUH URANG DEUKEUTKEUN
GEUS DEUKEUT URANG LAYEUTKEUN
GEUS LAYEUT URANG PAHEUTKEUN
GEUS PAHEUT SILIH WANGIKEUN

PAJAJARAN KARI NGARAN
PANGRANGO GEUS NARIKOLOT
MANDALA WANGI NGALEUNGIT
NYA DAYEUH NGAJADI LEUWEUNG

NAGARA GEUS LAWAS PINDAH SAPURAGNA PAJAJARAN
DI GUNUNG GUMURUH SUWUNG GEUS TILEM
JEUNG NAGARANA

CUPU MANIK ASTRA GINA
DITANDEAN SARATAN
DITURUBAN APAN BIHARI KUMADEPUN
DITEUNDEUN DISISI JALAN
DIBUKA KUNU NGALIWAT KUNU WEURUH
DISEMUNA NU RANCAGE HATENA
DIBUKA PATING HALEUANG NUMENTA DILALAKONKEUN
DIBUKA PATING HALEUANG NUMENTA DILALAKONKEUN

KAWUNG MABUR CARULUKNA
GULA LEUNGITEUN GANDOLA
CI AMIS KARI PAITNA
CI HERANG KANTUN KIRUHNA

SAMAK TINGGALEUN PANDANA
KIAYI LEUNGITEUN AJI
PANDITA ILANG KOMARA
KAHURUAN
KUNAPSUNA

*****

GILANG PADJADJARAN

WAKTU GILANG PAJAJARAN
WAKTU GILANG SANG NISKALA
BAHEULA …..
BAHEULA SABALE GANDRUNG SASUNDA
SASILIWANGI GEMAH RIPAH KERTA MUKTI
RADEN NAHA ATUH KIWARI GEUNINGAN MENI SAGALA GANTI

DUH ……
BONGANA PAHIRI-HIRI
PAREBUT TIPAYUN KANTUN
PAGIRANG-GIRANG TAMPIAN
CALIK GIRANG GEDE AJANG
NAHA ALEK HENTEU NYAHO SOMAH NU LARA BALANGSAK

GEUNING …..
DUH KAYANING ….. KAYANING …
NYA URANG PAPANTUNAN
KUMALENDANG JEUNG KALANGKANG BAHEULA
BAHEULA SA PAJAJARAN SA PRABU SA BALE GANDRUNG
MEGAT UGA SUNDA TANDANG URANG
NU URANG NINENG JEJEMPLANGAN NGAJEMPLUNG JEMPLINGKEUN DIRI

RADEN ULAH REK KABALERANGAN
SIPELUNG NGALIMPUNG REBUN
HUDANG URANG NGARANCAGAN
RANCABATAN BUDAK LUMPAT
NARIKNA KUDIDEKUNGAN DEBATNA BALE RANCAGE

HAYU DIDITU NGEPUR NU NGEJAT
RENGETKEUN TUH SANGKAKALA
SANGKAKALA PADJADJARAN

TANGARA …..
MANGSA MAPAG JAMAN ANYAR
MANGSANA KI SUNDA TANDANG
REMPUG JUKUNG SAUYUNAN

DUH……
TEMBONGKEUN AJEN WEWESEN SATRIA NU PINANDITA
RADEN …..
TEUAS PEUREUP LEMES USAP
PAGEUH KEUPEUL LEGA AWUR
SILIH ASAH SILIH ASIH
TEGUH PENGKUH SILIH ASUH
BARI ADIL PARAMARTA SINATRIA PILIH TANDING
RADEN …..TEDA PASUNDAN